Lemoako jai nagusia da, nahiz eta irailaren 8an ospatzen dan Andra Mari izan udalerriko patroia.

Jai honeek berezitasun bat daukie: txandaka eta hiru urteko aldietan, kokapen ezbardinetan ospatzenn dira.

Hona kokapenok:

• San Inazio auzoa bera (non santuaren baseliza dagoala).
• Elizondo auzoa (non parrokia dagoala).
• Arraibi auzoa (non udaletxea dagoala).

Hala ere, esandako kokapenaz gain, beste leku bat be badago udalerriko jaiak hasten diranean, giroaz gainezka dagoana: kiroldegia eta bere ingurua, igerilekua eta ikastetxea.

Jai-egitarauaren barruan badagoz ekimen batzuk klasikotzat hartzeko modukoak, hurrengoak modukoak:

• Txupinazoa eta kalejira, lagun-talde, erraldoi, buru handi, gaitajole, trikitixa eta abarrekaz.
• Lagun-taldeen afaria.
• Pelota partiduak, berezitasun bategaz: urte batzuk dirala, profesionalen arteko partiduetan, beti dago Lemoako pelotariren bat.
• Rock kontzertuak.
• Gaupasak.
• Goizaldeko txokolatadea.
• Durundi Barri dantza taldearen saioa San Inazio egunean, baselizako plazan.
• Txistulari eta gaitajoleen kalejira San Inazio egunean.
• Umeen Parkea, ginkana, merendola eta ekitaldia txikienak diranentzat.
• Play Back eta zomorroen lehiaketak.
• Herri kirolak, igela, boloak.
• Artisautzako azoka.
• Mus eta briska txapelketak.
• Eta, jakina, betidaniko sardinada. Hauxe dogu, hogeita hamar urte baino gehiago dirala jai-egitarauan ikusi daikegunez, Ehiza eta Arrantzako Sozietateak herritar guztiei egiten deutseen oparia.

Egintza guzti honeekaz batera, egitarauan sartzen diran saio eta gertakariak ere badaude.