Arratiako Haraneko beste zortzi udalak diran Bedia, Igorre, Dima, Arantzazu, Artea, Areatza, Zeanuri eta Ubidegaz batera, Lemoako udalak Arratiako Udalen Mankomunitatea sortu eban 1982. urtean, zenbait udal-zerbitzu eraginkortasun hobeaz kudeatu eta garatzeko asmoz. Horreen artean, UDAL GIZARTE-ZERBITZUAK. Gizarte Zerbitzu honeen helburua da:

• Eskubide eta baliabide sozial dagozanei buruz informatu, baloratu eta orientatzea.
• Zerbitzu eta prestazino sozialez jabetzea erreztu egitea, nortzuei eta horreetarako eskubidea daben pertsona guztiei.
• Arratian bizi izan eta euren oinarrizko beharrizanentzat (elikatzea; janztea; ostatua izatea eta behar-beharrezko ondasunak) laguntasuna behar daben pertsonak, horretarako lagundu egitea.
• Adina,ezgaitasunen bat edo garapen sozial eta pertsonal osoa eragotzi egiten dauan gaixotasun batengaitik egoera sozial larriak jasan egiten dabezan pertsonak lagundu egitea, ahal danik eta modurik autonomoenean bizi daitezan.
• Enplegu bat lortzeko aparteko zailtasunak daukien pertsonak gizarteratzeko lagundu egitea.
• Beste erakunde eta agente sozialekaz batera, egoera larrian dagozan umeen ongizatea sustatu eta babesteko lan egitea.
• Drogen larregizko kontsumoa aurreikustea eta hareen pekoen gizarteratzea aldeztu egitea.
• Udalerriko emakume eta gizonen arteko aukeren bardintasuna sustatzea.
• Komunitatearen parte-hartzea sustatzea, bertan dagozan arazo sozialak konpontzeko bidean.

Herritarrek, norbanakoarentzat informazinoa eta gorago zerrendatu diran zerbitzuak jasotzera, hona jo daikegu:

• Lemoa udalerrian, astearteetan, 9:00etatik 14:00etara.
• Gainerako egunetan, Arratiako Udalen Mankomunitatearen egoitzan, Igorren, Elexalde kalea, 49 zk. Telefonoa 946 311 717.