Lemoa: Udalerri iraunkorra

Lemoako udalerriak ingurumenagaz daukon konpromisoa islatzen da, batetik, Lemoako udalak, kutsadura kontrolatzeko ekipoak eskuratzean egin dituan inbersinoetan eta, bestetik, udalaren beraren barruan ingurumeneko area bat sortzean, teknikari berezituagaz eta guzti:

  • Lemoako udalak ekipo mugikor bi ditu airearen kalitatea kontrolatzeko, airearen partikulen arabera. Ekipo honeek, bolumen handiaren hartzaileak dira kontrol masikoagaz eta PM10-erako aukeratzeko buruaz (hau da, ekipo honeek, neurri aerodinamiko 10 um moduko edo txikiagokoa daukien partikulak jaso egiten dabez). Ekipo honeek mugikorrak diranez gero, leitekeena da lekuz aldatzea eta airearen kalitatea kontrolatzea parametro honetan udalerriko puntu ezbardinetan.
  • Lemoako udalak sonometro bat dauko, udalerriko alde ezbardinetan kalitate akustikoaren kontrola egiteko.
  • Lemoako udalak, ingurumeneko kexak jasotzeko sistema normalizatu bat dauko. Kexak, idatziz aurkeztuak, banan-banan aztertzen dira, eurotako bakoitzari erantzun bana emonaz.
  • Lemoako udalak, udalerrian garatzen diran jardueren jarraipena egiten da. Esate baterako, Murgia mendiko harrobian leherketak dagozanean, udalaren teknikari bat kontrolatzeko puntu batera doa, non sismografo bat instalatu dan, eta leherketak egindako mugimenduaren erregistroa jaso egiten dau.

Esandako guztiaz gain, Eusko Jaurlaritzako Airearen Kalitatea Zaindu eta Kontrolatzeko Sareak kabina bat dauko udalerri honetan, Juan de Ajuriaguerra kaleko z/b-n. Kabina honek, hurrengo kutsagarriak erregistratu egiten ditu: PM10 partikulak, PM2.5 partikulak, NO, NO2, SO2, O3 eta CO. Guztiok jo daikegu erregistro honeetara Eusko Jaurlaritzako web orriaren bidez. Orri horretan, gainera, azaldu egiten da zelan ebaluatu airearen kalitatea eta aplikatzeko araudia.

ingurumena@lemoa.net

  • Arratiako Mankomunitatea
  • Udalsarea21
  • Ingurumena Eusko Jaurlaritza